Gweithdy/Weminar

Gweithdai Addysgol

Mae'r Canolfan Gefnogi Trais a Cham-drin Rhywiol Gogledd Cymru, Gogledd Cymru (RASASC Gogledd Cymru) yn cynnig gweithdai sy'n rhedeg ar-lein ar wahanol adegau yn ystod y flwyddyn.  Mae'r gweithdai'n agored i unrhyw un sy'n defnyddio ein gwasanaethau neu y mae trais neu gamdriniaeth rywiol wedi effeithio arnyn nhw.

Mae sesiynau ar gael yn Gymraeg ac yn Saesneg.

Byddwn ni’n cyhoeddi Gweithdai addysgol ar ein platfformau cyfryngau cymdeithasol ac yn ein cylchlythyr, felly dylech danysgrifio er mwyn sicrhau na fyddwch chi ar eich colled!

Gweithdy

Trawma a'r Ymennydd

Darparu trosolwg o ymatebion i drawma a'r effaith hirdymor y gall trawma ei chael ar yr ymennydd

Trawma a'r cof

Darparu trosolwg o'r effaith y gall trawma ei chael ar y cof.

Gorbryder ac EFT (Techneg Rhyddid Emosiynol)

Deall ymatebion yr adweithiau/ymateb i orbryder yn ogystal â strategaethau a thechnegau ymdopi i helpu i reoli symptomau gorbryder.

Cywilydd a bai

Deall yr haenau cymhleth o gywilydd a bai mewn perthynas â thrais a cham-drin rhywiol.

Cwsg a hunllefau

Mae'r gweithdy hwn yn archwilio'r cysylltiad rhwng cwsg, hunllefau, a thrawma mewn amgylchedd cefnogol. Mae cyfranogwyr yn dysgu pam y gall breuddwydion annifyr ddigwydd, a sut i ddatblygu arferion iachach yn ystod y nos. Trwy drafodaeth hamddenol a strategaethau ymarferol, mae'r sesiwn yn helpu pobl i ddeall eu profiadau a datblygu ffyrdd i deimlo'n fwy cyfforddus a dan reolaeth yn y nos.

Hunan-barch a Thrawma

Mae'r gweithdy hwn yn archwilio sut y gall trawma siapio ymdeimlad person o’i hunan ac yn cynnig lle cefnogol i ailadeiladu hyder o'r tu mewn allan. Trwy ymarferion myfyriol a thrafodaeth hamddenol, mae cyfranogwyr yn dysgu sut mae profiadau'r gorffennol yn dylanwadu ar hunan-barch ac yn darganfod strategaethau ymarferol ar gyfer meithrin hunanwerth, gwytnwch, a llais mewnol mwy tosturiol.